Search

Loading...

Translate

21 December 2014

MUNELLA – NJË MAL I VOGËL ME PASURI TË MËDHA, MES PUKËS E MIRDITËS,MISTERET DHE BUKURITË E TË VETMIT VEND QË STREHON RRËQEBULLIN NË SHQIPËRI

ON FRIDAY, 21 NOVEMBER 2014. POSTED IN AROUND
MISTERET DHE BUKURITË E TË VETMIT VEND QË STREHON RRËQEBULLIN NË SHQIPËRI

Aleksandër Trajçe, PPNEA
Kur flasim për malet e Shqipërisë, vende si Alpet Shqiptare, Korabi, Tomorri dhe Gramozi, të vijnë ndërmend menjëherë për shkak të lartësivetë tyre madhështore dhe mrekullive natyrore që ato përfaqësojnë. Por shumë pak njerëz kanë dëgjuar për Munellën, në dukje një mal i vogël, por në të vërtetë shumë i spikatur, i cili shtrihet në kufirin e rretheve të Pukës dhe Mirditës në veri të Shqipërisë. Duke e parë nga larg Munella duket si një dhëmb i dalë mbi zonat kodrinore të ulëta përreth duke arritur lartësinë (jo shumë të vogël) të 1991 metrave. Munella është mjaft e izoluar - edhe pse kohët e fundit është bërë më e arritshme falë ndërtimit të autostradës Rrëshen-Kukës, përsëri mbetet një vend shumë i largët, i vështirë për t’u vizituar nga dikush jashtë zonës. Ky izolim i thellë gjeografik, ka qenë ndoshta arsyeja që regjimi i kaluar totalitar ndërtoi një nga burgjet më famëkeq dhe më të tmerrshëm të Shqipërisë, në një nga luginat e Munellës - burgun politik të Spaçit.


Munella – një mal i vogël me pasuri të mëdha, mes Pukës e MirditësMegjithatë, ekzistojnë anëtë tjera të Munellës edhe më të panjohura, sesa mali në vetvete. Rajone te Pukës dhe Mirditës kanë qenë në fokus të studimeve të PPNEA-s (Shoqatës për Ruajtjen dhe Mbrojtjen e Mjedisit Natyror në Shqipëri) që prej vitit 2007, ku në kuadër të Programit për Rimëkëmbjen e Rrëqebullit të Ballkanit, u realizua një sondazh me barinjtë dhe gjuetarët e zonës për vlerësimin e prezencës së mundshme të rrëqebullit të Ballkanit, si një lloj kritikisht i rrezikuar dhe specieve të tjera të jetës së egër. Pas sondazhit bazë, pati disa tregues për prezencën e Rrëqebullit të Ballkanit në zonë dhe nisur nga këto, PPNEA në vitin 2011 vendosi një numër kamerash-kurth në zonë për të vërtetuar prezencën e këtij lloji. Deri në këtë kohë, në Shqipëri, nuk ishte zbuluar asnjë fakt i pamohueshëm që tregonte ekzistencën e rrëqebujve të gjallë, edhe pas kërkimeve intensive në disa rajone të vendit dhe ndaj ekzistonte frika që ky lloj të ishte zhdukur krejtësisht.
Shumë shpejt pas vendosjes së kamerave-kurth në malin e Munellës, në Prill 2011, u kap fotoja e parë e Rrëqebullit të Ballkanit, duke vërtetuar në këtë mënyrë ekzistencën dhe mbijetesën e këtij lloji shumë të rrezikuar në Shqipëri.
Deri në atë kohë, ishte vërtetuar prezenca e rrëqebullit të Ballkanit vetëm në Parkun Kombëtar të Mavrovës në Maqedoni, kështu që ky zbulim ishte i një rëndësie të veçantë për shtrirjen e mëtejshmë të arealit të përhapjes së rrëqebullit dhe rritjes së shanseve për zbulimin e një tjetër nën-popullate të rrëqebullit në Ballkan.
Në vitet pasuese, PPNEA arriti të vërtetojë prezencën e disa individëve të rrëqebullit në malin e Munellës dhe zonat përreth. Nga i gjithë informacioni i mbledhur nga kamerat-kurth gjatë 3 viteve hulumtimi të vazhdueshëm, u zbulua që në Munellë ekzistonte një nën-popullatë e rrëqebullit të Ballkanit e përbërë prej 4-5 individësh. Kjo shënoi një arritje të jashtëzakonshme, e cila përveç vërtetimit të ekzistencës së rrëqebullit të Ballkanit në Shqipëri, sjell shpresë për të gjithë popullatën në rajon, e cila arrin në më pak se 50 individë në total.
Por Munella nuk është thelbësore vetëm për rrëqebullin në Shqipëri. Kërkimet me kamera-kurth të realizuara nga PPNEA tregojnë se zona është “shtëpi” për një numër të madh të gjitarëve të mëdhenj. Deri më tani, përmes kamërave-kurth është vërtetuar se Munella ka diversitetin më të lartë të gjitarëvenë Shqipëri, duke përfshirë një popullatë riprodhuese të ariut të murrmë (Ursus arctos), ujkut (Canis lupus), dhisë së egër të Ballkanit(Rupicapra ripicapra balcanica), kaprollit (Capreolus capreolus), derrit të egër(Sus scrofa), maces së egër (Felis silvestris) dhe shumë llojeve të tjera të rëndësishmë dhe të rrezikuara.
Përveç kësaj situate pozitive në dukje, rrëqebulli i Ballkanit dhe lloje të tjera në Munellë nuk janë duke përjetuar një kohë të qetë dhe të begatë. Pyjet janë shfrytëzuar shumë në të kaluarën dhe prerja e paligjshme vazhdon dhe në ditët e sotme. Zjarret e mëdha kanë shkatërruar një pjesë të mirë të vegjetacionit. Gjuetia e paligjshme ka qenë e shfrenuar në zonë për shumë vite me rradhë. Fakti që edhe pas gjithë këtyre shkatërrimeve të shkaktuara nga njeriu, rrëqebulli i Ballkanit ka arritur të mbijetojë përbën një mrekulli të natyrës shqiptare. Nëpërmjet kërkimeve të vazhdueshme dhe përfshirjes aktive lokale, PPNEA është duke shtruar rrugën drejt mbrojtjes së kësaj perle madhështore, por ende të panjohur, të natyrës shqiptare.
Këto vlera të mahnitshme natyrore na bëjnë thirrje për të marrë masa urgjente për mbrojtjen e Munellës, duke qenë se zona nuk ka një status të veçantë mbrojtje dhe është kryesisht e panjohur nga  komuniteti i ruajtjessë natyrës dhe publikut të gjerë. http://www.albaniantravel.info/AlbanianTravel/around/item/munella-nje-mal-i-vogel-me-pasuri-te-medha-mes-pukes-e-mirdites

19 December 2014

Konferenca I Kombëtare e Guidave Turistike në Shqipëri dhjetor/2014

më: 18 Dhjetor 2014  U zhvillua sot në hotel Tirana konferenca e parë Kombëtare e Udhërrëfyesve Turistikë me mbështetjen e Ministrisë së Zhvillimit Urban dhe Turizmit dhe Shoqatës Kombëtare të Guidave Turistike në Shqipëri (NATGA)
Z. Alfred Dalipi, Zëvendësministër i Zhvillimit Urban dhe Turizmit, përshëndeti të pranishmit. Në fjalën e tij, ai falënderoi Shoqatën e Udhërrëfyesve Turistikë për këtë iniciativë serioze, Komisionin Evropian dhe në mënyrë të veçantë Presidenten e Federatës Botërore të Shoqatave të Guidave Turistike (WFTGA) znj. Felicitas Wressing e cila ishte pjesëmarrëse në këtë takim së bashku me drejtorin e Shoqatës së Guidave Turistike në Shqipëri, Martin Mato, përfaqësues të MZHUT dhe institucioneve të tjera.
Z.Dalipi,nënvizoi se pas shumë vitesh kaotike dhe lirie ekonomike të paorientuar me rregulla loje nga shteti, biznesi i turizmit tashmë ka filluar të artikulohet si industri e turizmit, çka do të thotë që tendenca për të formalizuar këtë treg dhe presioni që i bën ky treg kësaj industrie është shumë e madhe.
“Që në hapat e parë Ministria e Zhvillimit Urban dhe Turizmit i është dedikuar zhvillimit të territorit dhe turizmit dhe i është përkushtuar procesit të formalizimit dhe standardizimit si një domosdoshmëri për garantimin e një rritjeje të qëndrueshme të vetë industrisë së turizmit, të këtij sektori i cili me përkushtim shumë të madh tashmë e artikulon veten si industri në ekonominë shqiptare.
Për vitin 2014 turizmi ishte ngjarja ekonomike e vitit, ishte sektori me rritjen më të madhe në ekonominë shqiptare dhe një nga faktorët e kësaj rritjeje janë dhe protagonistët, udhërrëfyesit, agjencitë, tour operatorët, strukturat akomoduese. Këto ishin ato të cilat i dhanë kësaj dege të ekonomisë një impuls që ndikoi dhe në parametrat makroekonomikë dhe gjithashtu, tërhoqi vëmendjen dhe të strukturave qeverisëse, të MZHUT për të përshpejtuar procesin e ligjbërjes, të ligjit të ri dhe të akteveve nënligjore.”
Viti 2014 shënoi një ngjarje të rëndësishme dhe për Shoqatën e Udhërrëfyesve Turistikë, një hap të parë për trajnimin dhe certifikimin në Qershor të këtij viti, ku 14 profesionistë me eksperiencë u njohën nga Ministria e Zhvillimit Urban dhe Turizmit për përvojën, kualifikimin dhe kontributin e tyre në këtë fushë.
Z. Dalipi e mbylli fjalën e tij duke ofruar mbështetjen dhe përkushtimin e MZHUT për aktivitete të tilla në të ardhmen.http://www.turizmi.gov.al/al/newsroom/lajme/konferenca-i-kombetare-e-guidave-turistike-ne-shqiperi&page=1  



Takim i Ministres Gjermeni me Presidenten e Federatës Botërore të Shoqatave të Guidave Turistike


Ministrja e Zhvillimit Urban dhe Turizmit znj. Eglantina Gjermeni, zhvilloi sot një takim me Presidenten e Federatës Botërore të Shoqatave të Guidave Turistike (WFTGA) znj. Felicitas Wressnig.
Gjatë takimit Ministrja Gjermeni i ofroi znj. Wressnig një panoramë të reformave të ndërmarra nga Ministria e Zhvillimit Urban dhe Turizmit veçanërisht në lidhje me vendosjen e standardeve në të gjitha shërbimet që ofrohen në sektorin e turizmit. “Unë i konsideroj udhërrëfyesit turistikë – u shpreh Gjermeni – si ambasadorët më të mirë të vlerave kulturore dhe historike të vendit”.
Në pranverën e këtij viti ne certifikuam grupin e parë të udhërrëfyesve turistikë kombëtarë dhe lokalë, të cilët ndoqën një trajnim 3- mujor falë një bashkëpunimi me profesorë të nderuar.  Ne mbetemi maksimalisht të angazhuar për të vendosur kritere të qarta dhe standarde ndërkombëtare për të gjithë personat që kanë dëshirë të ushtrojnë profesionin e udhërrëfyesit turistik, ndaj dhe në ligjin e ri “Për Turizmin”, certifikimi i udhërrëfyesve turstikë zë një pjesë të rëndësishme.
Gjatë takimit u diskutua dhe për plane konkrete mbi bashkëpunimin në të ardhmen ndërmjet Shqipërisë dhe WFTGA. Presidentja e Federatës Botërore të Shoqatave të Guidave znj. Wressnig, e informoi Ministren mbi organizimin e një trajnimi shtatëditor në Shqipëri në 2015. Ky trajnim do të organizohet në bashkëpunim me shoqatën Kombëtare të Guidave Turistike dhe do të shërbejë si një model i mirë për rritjen e profesionalizmit, etikës në udhërrëfim, dhe mbi të gjitha të komunikimit me vizitorët e huaj dhe vendas.
Ministrja Gjermeni e falënderoi znj. Wressnig dhe  i shprehu angazhimin e saj në rritjen e bashkëpunimit me WFTGA në të ardhmen edhe në kuadër të Programit të Organizatës Botërore të Turizmit “Rruga e Mëndafshtë”.  
Znj. Wressnig ndodhet në Shqipëri në kuadër të Konferencës I Kombëtare të Udhërrëfyesve Turstikë, që do të zhvillohet nesër në Hotel Tirana. Kjo konferencë organizohet me mbështetjen e Ministrisë së Zhvillimit Urban dhe Turizmit dhe Shoqatës Kombëtare të Guidave Turistike në Shqipëri.  

Blogeret e huaj promovojne Shqiperine nepermjet fotove

Since my first visit to Albania in 2000 I’ve seen the country develop from what was often cited as “the poorest country in Europe” to an increasingly popular tourist destination.
Most visitors head to the beaches in the south but there’s much more to see including the incredible Llogara Pass, UNESCO sites Berat, Gjirokastra and Butrint, quirky abandoned bunkers, disused Cold War submarine bases, Ottoman bazaars and some pretty spectacular scenery.
To celebrate the latest update to my Albania travel guide for 2015, I want to tempt you to visit with 50 of my favourite photos of Albania.  
 50 fotografi që do ju joshin që ta vizitoni Shqipërinë”. Kështu e ka titulluar shkrimin e saj blogerja australiane Andrea Anastasakis të publikuar në rearviewmirror.tv. Gjatë vizitës së saj në Shqipëri, Anastasakis ka realizuar 50 fotografi të cilat më pas i kapublikuar në faqen e saj për të joshur vizitorët që të vizitojnë vendin tonë. Ne kete menyre vijon promovimi i Shqiperise dhe destinacioneve te saj ne syte e turisteve te huaj. 
Butrint National Park
Gjirokastra Captured US Plane
Mushroom Bunker in Himara
Kruja Old Town Mosque
Sunset Over the City of Saranda
Llogara Pass on the Albanian Coast
Southern Saranda with Ksamil and Greece in the Distance
Ksamil Beach in September
Butrint with the Greek Border in the Distance
Tirana's Main Square
Looking Down on Borsh Beach from the Llogara Pass
Butrint at Sunset and Corfu Island (Greece)
Borsh Beach and the Olive Groves
Llogara Pass Near Vlora
Ksamil Island at the End of the Tourist Season
Kruja's Ottoman Bazaar
Typical Albanian Sunset
Fishing Village Near Himara
Berat's Thousand Windows
Foggy Llogara Pass in the Mountains
Albanian Car Ferry in Butrint
Earthquakes Are Common in Albania
Bunker on the Beach in Himara
Ksamil Albania
Local Wildlife Near Himara
Gjirokastra Tourist Shops and Castle
Albanian Submarine Base
Sunset from Saranda's Castle
Lukova Beach in Southern Albania
Dead Trees Along the Llogara Pass
Sunset After a Storm in Himara
Almost Abandoned Village Near Himara
Moon Rise Above Albanian Villages
Restaurant Hanging Over the Beach in Himara
Ottoman Era Houses in Gjirokastra
Dhermi - Albania's Most Famous Beach
Berat Castle Walls with Poppies
Abandoned Beach Cafe in Borsh
Butrint Amphitheatre
Blue Eye Near Saranda and Gjirokastra
Tirana's Infamous Pyramid
ENVER was changed to NEVER on the mountainside in Berat
Bay Near Himara
Kruja Fortress Near Tirana
Winding Road on the Llogara Pass
Stormy Sunset in Himara
Gjirokastra Mountains
Himara Beach Umbrellas
Another Amazing Sunset in Saranda
Watching the Sunset on Top of a Bunker