Ligj i ri për turizmin, do shtohen plazhet publike? interviste me Ministren e Turizmit, Eglantina Gjermeni

e Hënë, 31 Mars, 2014 | 09:37 am

Ministrja e Turizmit dhe Zhvillimit Urban, Eglantina Gjermeni, shprehet se ligji i ri për turizmin do të shtojë hapësirat e plazheve publike në vend. Ministrja thotë se në plazhet e vendit do të ketë kritere strikte për vendosjen e dusheve dhe kabinave të zhveshjes për çdo 50 çadra, gjë që do të rrisë kushtet për plazhistët.

Ndryshime do të ketë dhe për kategorizimin e hoteleve në yje. 
Znj.Gjermeni, çfarë ndryshimesh parashikoni në ligjin e ri për turizmin? Si e rregullon ky ligj kategorizimin e hoteleve? Kur do kemi hotele me yjet që meritojnë? Çfarë sanksionesh do ketë për ata që abuzojnë me yjet?

Standardizimi i shërbimeve që ofrohen në tregun e turizmit ka qenë jo vetëm një

nga premtimet e qeverisë, por edhe një prioritet i Ministrisë së Zhvillimit Urban

dhe Turizmit. Nga takimet e shpeshta që ne kemi organizuar gjatë kësaj

periudhe me sektorin privat të turizmit, kategorizimi i detyruar i strukturave

akomoduese ka qenë një kërkesë e theksuar fort dhe qartë nga ky sektor. Për një

periudhë disamujore, Ministria organizoi takime konsultative gjithëpërfshirëse

lidhur me domosdoshmërinë e rishikimit të ligjit të turizmit në të gjithë vendin

me njësitë e qeverisjes vendore dhe me grupe të ndryshme interesi. Ne kemi

dokumentuar të gjitha mendimet dhe sugjerimet e tyre mbi përfshirjen në ligjin

e turizmit procesin e kategorizimit dhe vendosjes së standardeve, për të gjitha

sipërmarrjet që ushtrojnë veprimtari turistike në vendin tonë. Standardet dhe

rritja e cilësisë së shërbimeve janë elemente thelbësore për zhvillimin e

turizmit, përballimin e konkurrencës në rajon, si edhe kthimit të Shqipërisë në

një destinacion të preferuar turistik. Draft ligji për turizmin është në fazën

përfundimtare të përfshirjes së mendimeve të përcjella në Ministri nga grupet e

interesit, përfshirë këtu sipërmarrësit në fushën e turizmit, përfaqësues të

universiteteve, shoqërisë civile, ekspertë të ndryshëm etj. Brenda muajit qershor

të këtij viti ne mendojmë se do të arrijmë ta miratojmë ligjin e rishikuar për

turizmin. Drafti i parë i ligjit është pasqyruar edhe në faqen e internetit të

Ministrisë. Këto ditë do të vendosim edhe variantin final të këtij draftligji,

duke mirëpritur edhe komente e sugjerime për ta përmirësuar dhe bërë më të

zbatueshëm atë. Ky proces po ecën paralelisht edhe me përgatitjen e akteve

nënligjore dhe rregulloreve funksionale, të cilat do të përcaktojnë

kategorizimin, kriteret dhe standardet që duhet të plotësojnë strukturat

akomoduese për t’u kategorizuar me yje. Të gjitha këto garantojnë zbatimin e

ligjit, si edhe ofrojnë mundësi që tregu i turizmit të formalizohet edhe të ketë

konkurrencë të ndershme. Në draftin e hartuar janë parashikuar edhe

sanksionet që do të vendosen mbi sipërmarrjet në rastet e mosrespektimit dhe

zbatimit të kritereve dhe standardeve të përcaktuara në kuadrin ligjor. Nga ana

tjetër, ky proces do të marrë kohën e nevojshme për t’u absorbuar nga biznesi,

por unë dua t’ju siguroj se i gjithë procesi ka qenë dhe do të jetë transparent deri

në fund të tij. Gjatë gjithë hapave që Ministria ka ndjekur, biznesi ka qenë dhe

do të mbetet partneri ynë. Por dua të theksoj se risitë që ne sjellim, do të

përmirësojnë cilësinë e shërbimit, do të rrisin konkurrencën e ndershme dhe do

të shmangin abuzimet në përdorimin e standardeve.

Edhe dy muaj hapim sezonin e ri turistik, që është dhe një test për

qeverinë e re për të treguar ndryshimin në këtë sektor. Skeptikët

shprehen se nuk rritet numri i turistëve me disa stenda panairesh.

Si do diferencohen ata 3-4 milionë “turistë” që vijnë në Shqipëri çdo

vit, në udhëtarë transit dhe pushues?

Pjesëmarrja e Shqipërisë këtë vit në panaire ndërkombëtare ka qenë shumë më

dinjitoze dhe interesi i treguar për Shqipërinë ka qenë shumë herë më i madh se

vitet e shkuara. Dua të theksoj se panairet janë një nga format për të promovuar

vendin dhe për të tërhequr sa më shumë turistë. Panairet janë një mundësi që u

ofrohen agjencive turistike dhe operatorëve turistikë vendës për të shitur

paketat e tyre turistike. Unë e kam theksuar disa herë kontributin edhe punën e

lavdërueshme të bërë nga sektori privat i turizmit për të promovuar Shqipërinë,

potencialet e saj turistike edhe për me tepër sjelljen e sa më shumë turistëve në

Shqipëri. Ne së bashku me këto agjenci turistike e kemi shfrytëzuar

maksimalisht pjesëmarrjen në panaire për të prezantuar një imazh të ri të

Shqipërisë turistike. Ministria ka një strategji të qartë për të tërhequr turistët, jo

vetëm gjatë sezonit të cilit ju i referoheni, por përgjatë gjithë vitit. Dhe për ta

dokumentuar suksesin e punës sonë, po punojmë me Departamentin e Kufirit

dhe Migracionit për të parë të gjitha mundësitë që do të na çojnë në përmirësimin e

 sistemit të mbledhjes së të dhënave për vizitorët që vijnë në

Shqipëri dhe diferencimit të saktë ndërmjet udhëtarëve transit dhe pushues.

Nga ana tjetër, kur flasim për analiza, duhet të jemi të qartë se indikatorët të

cilët tregojnë rritjen e sektorit të turizmit për një vend, nuk janë vetëm numri i

vizitorëve, por edhe netëqëndrimet, të ardhurat që gjenerohen nga ky sektor dhe

punësimi. Puna për mbledhjen e statistikave po realizohet edhe në

bashkëpunim me Institutin e Statistikave dhe Bankën e Shqipërisë për të pasur

të dhëna të sakta, të cilat do të na shërbejnë për të hartuar politika më të mira

për një zhvillim të qëndrueshëm të turizmit në Shqipëri. Ky është një proces, për

të cilin ne kemi kërkuar dhe asistencën e Organizatës Botërore të Turizmit. Ju

siguroj se përtej numrave, ne si Ministri dhe si politikëbërës jemi shumë të

interesuar për të pasur të dhëna të sakta dhe për t’i përpunuar ato me vërtetësi.

Vetëm në këtë mënyrë mund të hartojmë politikat e duhura që do të sjellin

zhvillimin që ne duam për sektorin e turizmit. Të katërt këta indikatorë janë të

rëndësishëm për hartimin e politikave dhe adresimin e nevojave dhe pengesave

me të cilat haset sektori i turizmit në vend. Për këtë, në draftligjin

e turizmit, të gjitha subjektet që ushtrojnë veprimtari turistike, kanë detyrimin ligjor të japin

të dhëna statistikore periodike. Ne synojmë të përdorim një metodologji të

unifikuar për përpunimin e të dhënave statistikore për turizmin nga të gjitha

institucionet. Kjo është edhe një sfidë tjetër për ne. Dua të theksoj edhe të ndaj

me ju një nismë të fundit, që po ndërmerr qeveria shqiptare për të promovuar

një imazh të ri të Shqipërisë. Këto ditë do të lançojmë një konkurs

ndërkombëtar për një logo, slogan edhe strategji për promovimin e Shqipërisë

në botë. Duam që përmes “Branding of Albania” të jemi të pranishëm në tregun

europian e më gjerë, me një mesazh që të na përfaqësojë, me një logo që të na

shprehë identitetin tonë dhe të jetë atraktive për turistët, me një strategji që do

të na e bëjë më të lehtë rrugën për një marketim më të mirë të gjithçkaje që

Shqipëria ofron, jo vetëm në turizëm, por në të gjithë sektorët.

Si i rregullon ligji hapësirat publike të plazheve, sa i ruan ato, i

shton apo i mban në këtë nivel që janë? Mbi ç’kritere do jepet plazhi

publik për privatët? Çfarë sanksionesh do ketë për ata që abuzojnë?

Qeveria miratoi kohët e fundit ndryshimet në VKM “Për sigurinë në det, plazhe

dhe në ujërat e brendshme në thellësi të territorit”, të cilat do të rrisin

standardet dhe cilësinë e shërbimit turistik në strukturat “stacione plazhi”.

Ndryshimet që ne si Ministri propozuam, do t’i shërbejnë mbrojtjes së

konsumatorit, sigurisë së tyre dhe rritjes së cilësisë së shërbimeve. Për herë të

parë përcaktohen kritere të qarta, të detyrueshme për të gjithë, ku stacionet e

plazheve publike do të shpërndahen në mënyrë proporcionale me ato private.

Qytetarët nuk do të jenë më të detyruar të paguajnë para në sipërfaqet e

plazheve, që shpesh kanë qenë të uzurpuara tërësisht nga privatë. Në këtë

mënyrë afrohet alternimi i plazheve publike me ato private, duke rritur numrin e

plazheve publike, por edhe hapësirat publike brenda plazheve private. Kjo bëhet

e mundur pasi VKMja

përcakton qartë largësinë e çadrave nga bregu i detit, në

mënyrë që të lihet hapësira e duhur e distancës për pushuesit. Pra, është

parashikuar lënia e një hapësire në brezin e parë të plazhit, në dispozicion të

publikut, për t’u përdorur nga pushuesit me pajisjet e veta. Këto masa të reja

janë të detyrueshme për t’u zbatuar nga të gjithë njësitë vendore, që kanë në

administrimin e tyre vijën bregdetare. Përveç masave të detyrueshme, Ministria

ka përgatitur dhe kontratën tip, e cila do të përdoret nga organet e qeverisjes

vendore në momentin e dhënies me qira të hapësirave që do të menaxhohen

përgjatë sezonit nga subjekte private. Kemi përcaktuar kriteret që duhet të

përmbushen për ushtrimin e veprimtarisë së stacionit të plazhit. VKMja

përcakton standarde dhe kushte të detyrueshme sa i takon pastrimit dhe

higjienës, numrit të tualeteve, dusheve dhe kabinave të zhveshjes, në raport me

numrin e përgjithshëm të çadrave. Për çdo 50 çadra, duhet të ketë të paktën një

dush dhe 2 kabina zhveshjeje. Vendimi i porsamiratuar përcakton se largësia e

vendosjes së çadrave nga njëratjetra

nuk duhet të jetë më pak se 7.5 metra. Një

tjetër element shumë i rëndësishëm është reklamimi i çmimit për çdo shërbim

që ofrohet, në mënyrë të dukshme për publikun. Duke qenë vend anëtar i

Organizatës Botërore të Turizmit, kemi propozuar që veprimtaria të ushtrohet

në zbatim të Kodit Botëror të Etikës në Turizëm. Kriteret që duhet të

përmbushen për ushtrimin e veprimtarisë së stacionit të plazhit, janë konform

standardeve evropiane. Është e qartë se në këtë mënyrë industria e turizmit do

të futet në rrugën e duhur të zhvillimit të qëndrueshëm. Por suksesi i plotë do të

arrihet kur të gjitha ne institucionet shtetërore do të intensifikojmë dhe

bashkërendojmë punën me sektorin privat për të çuar përpara zhvillimin e

sektorit, nëpërmjet zbatimit të standardeve të cilësisë.

Ju thoni që do të vendosen kabina dushi, telefoni apo kabina

zhveshjeje publike. Kush do detyrohet që t’i vendosë ato dhe si do

monitorohen?

Monitorimi i zbatueshmërisë së kritereve të miratuara do të kryhet nga ne si

Ministri e Zhvillimit Urban edhe Turizmit, nga njësitë e qeverisjes vendore, si

edhe nga vetë qytetarët. Njësitë e qeverisjes vendore e kanë përgjegjësi të tyren

zbatimin, po nga ana tjetër ne si Ministri do të sigurojmë që ky proces

monitorimi të kryhet në mënyrë të vazhdueshme edhe rigoroze për të pasur

shërbime më cilësore për qytetarët. Agjencia Kombëtare e Bregdetit, si një

institucion varësie i Ministrisë, ka si objekt të punës së saj garantimin dhe

promovimin e zhvillimit të qëndrueshëm të turizmit në zonat bregdetare.

Agjencia do të garantojë kontrollin e territorit në këto zona dhe në

bashkëpunim të ngushtë me organet e qeverisjes vendore edhe monitorimin e të

gjithë veprimtarive që ushtrohen në zonat bregdetare. Politikat për zhvillimin e

turizmit bregdetar janë në fokus të punës së Ministrisë së Zhvillimit Urban dhe

Turizmit dhe pjesë integrale e Strategjisë Kombëtare për Zhvillimin e Turizmit,

si një nevojë për t’u bërë pjesë e politikave të Bashkimit Europian për zonat

bregdetare.

ARISTIR LUMEZI http://www.panorama.com.al/2014/03/31/gjermeni-ligj-i-ri-per-turizmin-do-shtohen-plazhet-publike/