Instrumentat e traditës, studiuesit të shqetësuar për harresën duke ndikuar në vazhdimin e traditës, por edhe në interesat turistike.

Tiranë Korrik 13,2012 - 18:25 - Në 20 vitet e fundit prodhimi dhe përdorimi i instrumentave muzikor të traditës është rralluar më tepër nga sa studiuesit e kishin parashikuar.
Sipas studiuesit Jaho Brahaj, problematik mbetet prodhimi i instrumentave të folklorit me materiale industriale, jo më nga mjeshtra, por marangozë të thjeshtë.

"Të marrim fyellin, nuk gjen sot edhe në grupet artistike dhe nga njerëzit që i përdorin, fyej tradicionalë sic prodhoheshin dhe intonoheshin. Janë fyej industriale ose prej tunxhi bakri. Një buzuk i prodhuar sipas traditës vendase është shumë i rralllë të gjendet tek ata që e përdorin", shprehet Brahaj.

Studiuesi thekson se muzika e bërë e me instrumentat e vjetër po humbet edhe për shkak të etjes së theksuar që patën shqiptarët për të bërë muzikë me instumenta elekritik.

"Neve që ishim të uritur për një kitare apo organe elektrike, ato u futën me shumicë. Duke qenë të uritur neve nënvlerësuam atë që është karakteristike, etnokulturore dhe tipologjia e muzikës sonë popullore", shprehet Brahaj.

Studiuesit përmendin nevojën e një mbështetjeje minimale financiare që duhet të ketë shteti ndaj disa instrumentistëve të vjetër, duke ndikuar në vazhdimin e traditës, por edhe në interesat turistik.