2012-07-31 10:51:25
Programi i PNUD-it për Ndryshimet Klimatike, Programi i Grandeve të
Vogla i Fondit Global për Mjedisin (GEF/SGP), në bashkëpunim me Zyrën e
Bashkëpunimit Ndërkombëtar Gjerman (GIZ) dhe Bankën ProCredit i
realizuar nga Ministria e Ekonomisë, bëri të mundur instalimin në 11
hane në zonën e Thethit të paneleve diellore që sigurojnë energjinë
elektrike dhe ujin e ngrohtë. Projekti rrit cilësinë e jetesës dhe
shërbimeve në zonën më turistike malore të vendit, duke siguruar dhe
energjinë elektrike të munguar dhe ujin e ngrohtë për bujtësit e këtyre
haneve, por dhe për vetë banorët. 11 hane dhe qendra shëndetësore janë
të pajisura me sisteme fotovoltaike, të cilat sigurojnë furnizimin me
energji elektrike për ndriçim. Përfituesit kanë bashkë-financuar koston e
instalimit. Gjatë vënies në përdorim të këtyre sistemeve janë promovuar
shembuj konkretë jetësorë të ekonomisë së gjelbër që demonstrojnë në
terma realë sesi qasjet miqësore me mjedisin mund të sjellin rritje
ekonomike, zhvillim, vende pune dhe të zvogëlojnë pabarazinë.
Këto
ndërhyrje kanë si qëllim përmirësimin e jetës së banorëve të Thethit,
duke fuqizuar ekonominë lokale përmes krijimit të eko-turizmit të
qëndrueshëm. GIZ dhe GEF/SGP kanë bërë për disa vite investime në këtë
zonë për ta kthyer atë në një destinacion turistik malor, duke promovuar
turizmin përmes haneve të Thethit. Në vitin 2011, funksiononin 23 hane
dhe numri i turistëve arriti në 12 000, në krahasim me 300 në vitin
2006. Të ardhurat e përftuara nga banorët arritën deri në 200 000 euro,
të cilat llogariten në 7-8 herë më të larta se skema e ndihmës sociale.
Nessun commento:
Posta un commento