Emigrantët, qeveria i ka harruar, i numëron vetëm për turizëm
Aleanca Kuqezi
ka shprehur dje shqetësimin për situatën e emigrantëve shqiptarë si
jashtë dhe ata që janë kthyer në vend, ndërsa ka akuzuar qeverinë se e
ka braktisur këtë kategori. AK deklaroi në një njoftim shtypi se pas 21
vitesh nga nisja e eksodit të madh, ende nuk dihet numri i saktë i
emigrantëve që ndodhen jashtë trojeve shqiptare. "Largimi i shqiptarëve
nisi pas rrëzimit të sistemit totalitar dhe vendosjes së atij demokratik
në vitin 1990, për të vazhduar deri në ditët e sotme kur edhe pse
lëvizim lirshëm më vendet e Bashkimit Evropian largimi nga atdheu mbetet
i vetmi shpëtim. Edhe pas 21 vitesh largime pa fund shqiptarët nuk e
dinë ende se sa bashkëkombas të tyre janë larguar nga vendi, apo se sa
të tjerë janë rikthyer pas vitesh të tëra emigrim. Ne nuk e kemi asnjë
informacion, asnjë regjistër, asnjë përllogaritje për numrin e saktë të
shqiptarëve që janë larguar nga vendi ynë. Gjithashtu ne ende nuk jemi
në dijeni se sa emigrantë janë kthyer në atdhe pas vitesh të tëra
emigrim". Në këtë pikë, Aleanca bën thirrje që qeveria të mos përdorë me
emigrantët në shifrat e turistëve. "Aleanca kuqezi i bën thirrje
qeverisë shqiptarë që të mos keqpërdorë emigrantët dhe keq informojë
qytetarët shqiptarë kur thotë se janë 1 milion turistë në sezonin verorë
pse të gjithë ne jemi dëshmitarë të faktit se bashkëkombësit tanë dy
herë në vit kthehen tek familjarët e tyre për festat e fund vitit dhe
sezonin verorë". Sipas Aleancës, nevojitet një strategji në trupat
diplomatike për kategorinë e emigrantëve. “Mbrojtja nga qeveria është
detyrim kushtetues. Duhet reformë në strategjinë e trupit tonë
diplomatik. Aleanca Kuqe e Zi i bënë thirrje qeverisë shqiptare dhe
ministrisë së jashtme që të vërë në lëvizje ata mijëra punonjës
diplomatik për të cilët harxhohen para pafund për makina dhe qira
banesash luksozë të kenë në vëmendje të tyre qytetarët shqiptarë që
largohen nga vendi mëmë për një jetë më të mirë dhe jo protokollet e
vizitave zyrtare të drejtuesve të shtetit shqiptarë”. “Aleanca Kuqezi
denoncon qeverinë dhe shtetin shqiptarë që dhunon dhe shkel hapur nenin 8
të Kushtetutës Shqiptare, i cili e detyron atë të mbrojë të drejtat dhe
interesat e shqiptarëve kudo që janë edhe jashtë kufijve”. Më tej, AK
vë në dukje faktin e të drejtës së votës që sipas Aleancës, emigrantët
janë përjashtuar nga kjo e drejtë. “Ne flasim sot për të drejtat e
emigrantëve shqiptarë por nga ana tjetër një e drejtë themelore i është
mohuar kësaj shtrese të shoqërisë shqiptare. Prej 21 vitesh këta
qytetarë shqiptarë nuk kanë mundur të shprehin vullnetin e tyre në asnjë
nga proceset zgjedhore, një tjetër e drejtë e shkruar e zeza mbi të
bardhë në dokumentin themeltarë të shtetit shqiptarë, Kushtetutën e
Republikës”http://www.gazetatelegraf.com/sociale/12333-aleanca-kuq-e-zi.html
Nessun commento:
Posta un commento